Në “Debat Plus” të RTV Dukagjini, Lushaku-Sadriu ka vlerësuar se video-të e LVV-së të cilat i cilëson si “propagandë” e subjektit, vien si rrjedhojë e paaftësisë së Qeverisë Kurti gjatë kohës së saj në pushtet.

Si “material i pastër propagandues” është cilësuar video-ja e fundit e publikuar nga Lëvizja Vetëvendosje nga ana e anëtares nga radhët e Lidhjes Demokratike të Kosovës (LDK), Jehona Lushaku-Sadriu.

Në “Debat Plus” të RTV Dukagjini, Lushaku-Sadriu ka vlerësuar se kjo vie si pasojë e paaftësisë së Qeverisë Kurti gjatë kohës së saj në pushtet dhe rënies në kundërshtim të qëndrimeve të vet subjektit në pushtet.

“Ky është një material i pastër propagandues që ka bërë LVV tash e tri vite në qeverisje. Jemi mësuar të shohim akuza të drejtpërdrejta kundrejt opozitës edhe kundrejt media fatkeqsisht që është një shembull i paparë dnonjëherë në historinë e Kosovës. Kjo vjen për shkak të paaaftësisë së kësaj qeverisje për të dhënë zgjidhje konkrete për problemet që i ka Kosova dhe vjen pikërisht sepse është në ndesh të asaj çka ka premuar dhe asaj çka di të bëjë. Nga paaftësia për të ditur, për të dhënë zgjedhje konkrete, ajo ka zgjedhur të bëjë material propaganduese”, ka deklaruar ajo.

Lushaku-Sadriu vlerëson se një video e tillë flet mjaft për Kryeministrin, Albin Kurti.

Ajo thotë se qytetarët duhet të kuptojnë se Qeveria Kurti po i mashtron ata me të dhënat në të gjitha fushat, pa përjashtim.

“Po krijojnë paqartësi. Këtë e bëjnë partitë populliste tipike, këtë po e bën Vetëvendosja”, ka deklaruar ajo.