Nënkryetari i LDK-së, Lutfi Haziri, ka thënë se deklarata e emisarit amerikan Gabriel Escobar, për raportet e Qeverisë Kurti me SHBA-të, BE-në e NATO-n, e fakton atë që e kanë thënë me muaj, raporton Gazeta Blic.

Përmes një postimi në Facebook, ai ka thënë se raporti i Kurtit është dhe më i keq me opozitën në Kosovë, sindikatat e shoqërinë civile.

Haziri ka shtuar se në një vend demokratik, nëse Qeveria nuk bie me dorëheqje, do të binte me forma tjera.

Postimi i tij i plotë:

Deklarata e emisarit amerikan, Gabriel Escobar, për raportet e qeverisë Kurti me SHBA-të, BE-në, NATO-n dhe me fqinjtë e Kosovës, e fakton atë që ne e kemi thënë tash e disa muaj.

Por, raporti i z. Kurti është edhe më i keq në raport me opozitën në Kosovë, me sindikatat, shoqërinë civile, problemet ekonomike dhe të gjithë sektorët e mëdhenj. Ky raport është përkeqësuar në të gjitha sektorët dhe në të gjitha drejtimet.

Në një vend demokratik, nëse qeveria nuk bie me dorëheqje, kish ra nëpërmjet formave të tjera.

Escobar: Kemi probleme komunikimi me Qeverinë Kurti, do të donim që partneriteti të kthehej si dikur

Escobar: Zbatimi i vendimit të BQK-së, katastrofik dhe jokompetent