Kreu i AAK-së, Ramush Haradinaj, ka vlerësuar trashëgiminë e rapsodëve të njohur Sali Bajrami, Feriz dhe Ali Krasniqi, duke theksuar rolin e tyre të pazëvendësueshëm në kulturën shqiptare, raporton GazetaBlic.
Haradinaj njoftoi se gjatë një vizite në odën e tyre u ndanë mirënjohje post-mortem për kontributin e përjetshëm artistik, duke ritheksuar se Aleanca qëndron krah trashëgimisë kulturore.
Postimi i plotë:
“Oooo, moj Kosovë, lum na për ty…”
Kush nuk e ka këndu këtë këngë, kush nuk e ka ndje në shpirt?
Rapsodët e njohur Sali Bajrami, Feriz e Ali Krasniqi, përmes zërave të tyre të paharrueshëm dhe këngëve të mrekullueshme, na mbushën zemrat për dekada. Sot patëm nderin të mikpritemi në odën e tyre, ku muzika dhe shpirti i tyre ende tingëllojnë.
Stili i tyre? I pazëvendësueshëm. Vlera e tyre? E përjetshme.
Të dy këta mjeshtra të melosit shqiptar përfaqësojnë gjithë vlerën artistike.
Atje ndamë mirënjohje post-mortem për shpirtat që ende na frymëzojnë, sepse veprimtaria e tyre nuk harrohet kurrë.
Aleanca, krah trashëgimisë!
