Kryetari i Aleancës për Ardhmërinë e Kosovës (AAK), Ramush Haradinaj, ka ngushëlluar familjen e heroit të kombit, Indrit Cara pas ndarjes nga jeta të babait të tij, Lulzim Cara. 

Haradinaj ka thënë se lum ata prindër që rritën e edukuan fëmijë, të gatshëm për sakrificën më të lartë për liri.

“Me familjen e nderuar Cara dhe bashkëluftëtarët, ndajmë dhembjen pas ndarjes nga jeta të Lulzimit, baba i Heroit të Kosovës, Indrit Cara. Lum ata prindër, e lum ato familje në mbarë viset shqiptare që rritën e edukuan fëmijë, të gatshëm për sakrificën më të lartë për liri”, ka thënë Haradinaj.

Haradinaj është shprehur se kujtimi për dëshmorët është dëshmi e atdhedashurisë.

“Kujtimi për Dëshmorët mbetet përjetësisht në kujtesën tonë, si dëshmi e dashurisë më të pastër për Atdheun”, ka përfunduar Haradinaj.