Lajme

Haradinaj dhuron gjak në Carrabreg të Epërm, falënderon ekipet mjekësore për punën që po e bëjnë

05/29/2021 14:10
nga:Gazeta Blic

Në fshatin Carrabreg i Epërm sot u organizua dhurimi vullnetar i gjakut me moton “Në Carrabreg dhurohet gjak”, i pranishëm aty ishte edhe Ramush Haradinaj.

Haradinaj falënderoi ekipet mjekësore që u gjendën sot atje dhe që po e bëjnë një punë vërtetë të palodhshme.

Ai tha se është dhurues i rregullt i gjakut.

Haradinaj tha se çdo gjashtë muaj dhuron gjak dhe jo vetëm, por sa herë që dikush ka nevojë për gjak ai është i gatshëm për të ndihmuar.

Tutje, në një shkrim në Facebook Haradinaj theksoi se kjo është hera e nëntë që në Carrabreg organizohet dhurimi vullnetar i gjakut.

“Ky fshat që i fali shumë lirisë, për herën e nëntë, organizoi dhurimin vullnetar të gjakut, për të shpëtuar jetë”, ka shkruar Haradinaj.

Kujtojmë se sot në fshatin Carrabreg u bë përurimi i Lapidarit të Dëshmorëve dhe Martirëve të Carrabregut të Epërm, ku ndër të pranishmit ishte edhe kreu i AAK-së, Ramush Haradinaj ku edhe mbajti fjalim.