Lajme

Haradinaj: Albin jep dorëheqje!

09/04/2021 13:03

nga:M K

Ish-kryeministri i Kosovës, Ramush Haradinaj i ka kërkuar dorëheqjen kryeministrit aktual, Albin Kurtit.

Përmes një shkrimi të gjatë në rrjetin social “Facebook”, Haradinaj ka thënë se kush është ky që po e përdhos edhe gjakun e dëshmorëve, përcjell GazetaBlic.

Tutje, i pari i AAK-së ka thënë se ai dhe partia që drejton i dëshiron shkelësit e ligjit prapa grilave, por jo përmes gjykimit publik të kreut të ekzekutivit.

Më poshtë edhe postimi i plotë.

ALBIN JEP DORËHEQJE!
Albin, përderisa i ke angazhuar hajnat e vegjël të dalin nëpër televizione, unë ende nuk mora përgjigjie nga ju për shumë pyetje që i kam bërë vazhdimisht.
Ministrat tu, ai i Brendshëm, e Drejtësisë, dhe i Infrastrukturës dikur e akuzonin qeverinë time për Nexhat Krasniqin, siç e quanin “kryekriminel” dhe “baba i tenderëve”. Tash Nexhati është i angazhuar edhe në qeverinë tënde, konkretisht në ministrinë e cila në dy muaj ka dhënë 29 tenderën njëburimore. A u bëre edhe ti si Nexhati, apo ai u bë i mirë tash? Po 38 kontrata sekrete, në dobi të kujt janë? Ku po shkojnë ato para?
Albin, po mundohesh të më heshtësh mua dhe Aleancën. Janë munduar edhe të tjerët, por nuk kanë arritur. Ne jemi arrë e fortë për ju.
Albin, i harrove edhe përkrahësit e tu. Punësove vajza të tezeve, mbesa, axhallarë, motra e dhëndurë të elitës së pushtetarëve. A nuk ishte farefisi për dasma? E harrove barazinë sociale, godite edhe pensionistët. Godite mjekët e policët. E tash brenda ditës, gjobiten mbi 4000 qytetarë, në vend se të marrin mbështetje nga shteti.
Albin e hoqe taksën dhe nuk e vendose reciprocitetin. Po pse i dëmtove edhe prodhuesit vendor duke ia hequr Serbisë edhe pengesën e fundit, taksën për prodhimet e subvencionuara nga Serbia?
Albin, me 2 gusht u krenove që e munde pandeminë. Hoqe punëtorët shëndetësorë nga puna, profesionistë të trajnuar dhe me përvojë për trajtimin e të prekurve nga virusi. Tri javë pas mburrjeve tua, arritëm në rekordin e zi të vdekjeve. A po e marrin qytetarët tanë kujdesin e duhur shëndetësor? A i ke vizituar spitalet që të shohësh përpjekjet titanike te mjekëve e stafit teknik?
Albin, e nise vaksinimin me vonesë, duke e rrezikuar vendin dhe ekonominë që të mbyllet. Asnjë vaksinë nuk u sigurua nga buxheti shtetëror, e edhe ato që erdhën si donacione, po skadojnë për shkak të paaftësisë tënde dhe tagrambledhësve tu që të organizojnë e të hapin më shumë pika vaksinimi për qytetarët.
Albin e shndërrove Kosovën në kampione të keqmenaxhimit me pandeminë. Përse nuk po reflekton, të kërkosh ndihmë e të bëhemi të gjithë bashkë në luftën kundër sëmundjes së shekullit?
Albin, po gazi rus çfarë na duhet? Përse ky averzion ndaj aleatit tonë strategjik, Shteteve të Bashkuara të Amerikës.
Albin, po komunat çfarë faji kanë, që e ndërpreve mbështetjen për to? Po rruga Prishtinë – Pejë çfarë të pengon? Po rruga e Plavës? Po autostrada e Gjilanit, që na lidh me Preshevën? Si mund ta vendosësh veten në pozita të njëjta me Beogradin?
Albin, ndale ushtrinë dixhitale. Nuk mund të dezinformosh më askënd, sepse secili qytetar i Kosovës, e ka të qartë që kryeministrat nuk merren me shpronësime e vlerësime pronash. A nuk ke fare turp? A nuk ke fare ndërgjegje?
Albin ti u talle me punëtorët shëndetësorë e policinë. Të paktën siguroju arkivolet për motrat e vëllezërit tanë që me dhjetëra në ditë po vdesin në spitale.
Albin tërë pushtetin e ke në duar. Vepro në të mirë të vendit. Mos sajo skandale për të harruar mijëra viktima të virusit. Mjegullnajat tua që po i krijon për zhvendosjen e vëmendjes nga problemet e vërteta, nuk të bëjnë punë.
Albin, as unë e as Aleanca, kurrë nuk do të mbështesim shkelësit e ligjit. Ne i dojmë ata në burgje, por jo përmes gjykimit tënd publik, përmes hajnave të vegjël që shfaqen si fantazma të gjalla në ekrane. Por, përmes organeve të drejtësisë, të cilave ti e ushtria jote po iu bëni presionin më të madh të mundur. A jemi ne shtet totalitar? Jo, por me çasjen tënde për kapjen e institucioneve të pavarura, po rrezikohemi të arrijmë edhe në atë situatë.
Kush je ti? Ku po na çon? Ti që po e përdhos edhe gjakun e Dëshmorëve, që lëkund edhe eshtrat e tyre në varre. Ti që u bëre turpi i Kosovës. Marre!
RH

/GazetaBlic/

Synetia ka shumë benefite shëndetësore

Artikull i sponsorizuar

Në lindje djemtë e kanë një zgjatje të lëkurës që e mbulon fundin e penisit, kjo në

Udhëto me çmime të lira drejt destinacioneve më të njohura evropiane gjatë fundvitit!
Artikull i sponsorizuar
Kompania e njohur kosovare Prishtina Ticket, vazhdon të mbetet zgjedhja kryesore dhe më e sigurt për

Lajme tjera

11/15/2024 15:19
Ramosaj: Doracaku për edukimin seksual, i papranueshëm, dhe s’mund të lejohet të përdoret në shkolla

11/15/2024 15:08
Abdixhiku falenderon komunat e LDK-së që i refuzuan doracakët e edukatës seksuale- Reagimi i tyre bëri që Qeveria të ndryshojë pozicion!

11/15/2024 14:56
Të dënuarit në Qendrën e Paraburgimit në Prishtinë bëhen me certifikata për “Menaxhim të Zemërimit”