Trajneri i Barcelonës, Hansi Flick, është një mbështetës i madh i Fermin Lopez dhe është i bindur se nuk dëshiron ta lërë të largohet, sepse beson thellësisht në potencialin e tij.

Në ishull kanë dalë raportime se Manchester United është gati të paguajë 70 milionë për Lopez, transmeton GazetaBlic Sport.

Përveçse shënon gola dhe ecën përpara, Fermin është gjithashtu i gjithanshëm, duke u përshtatur mirë duke luajtur në krahun e majtë sezonin e kaluar kur Lamine Yamal u lëndua.

Për më tepër, përkushtimi dhe dëshira e tij për të bërë presion dhe për të fituar posedimin e topit e bëjnë atë një lojtar shumë tërheqës në sytë e trajnerit gjerman.

Kjo është arsyeja pse Flick nuk dëshiron të dëgjojë për largimin e tij. Sipas Mundo Deportivo, pati një ditë kur gjermani lexoi një lajm në një faqe interneti që sugjeronte mundësinë e largimit të Fermin dhe e telefonoi lojtarin për t’i thënë të mos e bënte këtë.

Fermin e siguroi Flick duke i thënë se nuk donte të largohej sepse qëllimi i tij ishte të kishte sukses te Barcelona.

/GazetaBlic Sport/