Trajneri i Barcelonës, Hansi Flick, ka thënë se klubi nuk do të nxitojë për të zgjedhur një portier të ri. Sipas tij, Inaki Pena po shkon shumë mirë.

“Për momentin nuk ndihemi nën presion dhe i besojmë Inakit. Gjithsesi, Pena po bën shumë mirë, edhe në parasezon. Ai ka punuar shumë për të qenë këtu. Ai është i fokusuar dhe i gatshëm për të luajtur. Ne kemi besim në veten tonë, por gjithashtu duhet të shikojmë se çfarë po bëjmë sepse lojtarët janë shumë të rinj”, tha Flick, transmeton GazetaBlic Sport.

“Ne duhet të shikojmë opsionet që kemi dhe nuk kemi presion për momentin. Do të shohim se çfarë do të ndodhë. Do të flasim me De la Fuente, i cili ka trajnuar portierë të klasit botëror për shumë vite. Ai do të jetë personi i parë me të cilin do të flas”, shtoi trajneri i Barcelonës.

“Nuk mund të përgjigjem nëse do të marrim një portier me përvojë, sepse tashmë e kam ndarë mendimin tim. Duhet të vlerësojmë opsionet e ndryshme dhe siç thashë më parë, po e bëjmë pa ndier presion, do të shohim se si do të zhvillohen gjërat, do diskutojmë edhe me Deco-n dhe më pas do të shohim se çfarë na nevojitet”, shtoi Flick.

/GazetaBlic Sport/