Duke folur në një konferencë për shtyp në prag të ndeshjes kundër Kopenhagës, qendërsulmuesi i Manchester Cityt, Erling Haaland foli për golat e shënuar këtë sezon.

“Mund ta shikoni në dy mënyra: vitin e kaluar shënova 36 në Premier League dhe këtë vit unë kam shënuar 18. Mund të mendoni nëse është mirë për mua apo jo. Mendoj se ishte një sezon i mirë. Kam humbur shumë raste. Do të vazhdoj të humbas rastet dhe do të shënoj akoma gola. Do të humbas rastet në të ardhmen dhe njerëzit do të më kritikojnë. Unë do të fokusohem të shënoj më shumë gola dhe të përpiqem të shënoj”, tha fillimisht ai.

Sulmuesi norvegjez më pas foli për mënyrën sesi si fëmijë zemërohej kur humbte një gol.

“Ishte një sfidë për mua kur isha i ri. Do të filloja të qaja nëse humbnim dhe humba shumë raste. Kam punuar shumë dhe pres shumë nga vetja, bashkëlojtarët e mi dhe trajneri presin shumë nga unë. Në fund të fundit, kjo është e gjitha. Deri më tani, mirë.

Është diçka për të cilën kam punuar natyrshëm. Çdo gjë në jetë, nëse e mendon shumë, nuk është mirë. Nëse jeni të stresuar nuk është mirë. Jeta ime ka të bëjë me futbollin, kështu që unë fokusohem në këtë. Unë kam një karrierë, qëllimi im është të jem lojtari më i mirë që mund të jem”, përfundoi ai.

/GazetaBlic Sport