Antonio Rudiger ka qenë i jashtëzakonshëm për Real Madridin këtë sezon, veçanërisht në Champions League ku Real Madrid është në gjysmëfinale.

Rudiger ishte i shkëlqyer që nga fazat e grupeve ku ndaloi supersulmuesin e Napolit, Victor Osimhen, që të nuhaste portën e Real Madridit në të dy ndeshjet.

Në raundin e eliminimit, ishte radha e Benjamin Sesko që të vuante nga Rudiger. Sulmuesi i fuqishëm i RB Leipzig u ndalua, teksa Real Madrid u eliminoi skuadrën gjermane. Edhe pse Rudiger humbi ndeshjen e parë, ai ishte i jashtëzakonshëm në të dytën pasi Real Madridi luftoi për një barazim 1-1.

Erling Haaland u rikuperua vetëm nga sfida me Rudiger fundjavën e kaluar. Sulmuesi norvegjez nuk mund të “merrte frymë” nga Rudiger.

Harry Kane është i radhës në gjysmëfinale teksa Real Madrid përballet me Bayernin. Çdo madrilen do të shpresonte që Rudiger do të ishte sërish po aq i pamëshirshëm në trajtimin e një sulmuesi që ka shënuar 42 gola në 41 ndeshje këtë sezon.

/GazetaBlic Sport