Trajneri i Manchester Cityt, Pep Guardiola, ka thënë se ndoshta një skuadër tjetër e meriton të fitojë Premier League pas suksesit të gjatë të Citizens.

City ka fituar gjashtë nga shtatë titujt e fundit të Premierligës, përfshirë katër radhazi, por ra pesë pikë prapa liderit Liverpool pas humbjes 2-1 në Brighton, transmeton GazetaBlic Sport.

Guardiola ka humbur katër ndeshje radhazi për herë të parë në karrierën e tij 17-vjeçare si trajner.

“Duhet të përpiqemi të fitojmë ndeshjet përsëri. Katër (humbje) radhazi. Duhet t’i ndryshojmë gjërat shpejt”, tha katalanasi.

“Orari po bëhet i vështirë, por kjo do të ndodhë kur lojtarët të kthehen. Ndoshta pas shtatë vitesh në të cilat ne fituam Premier League gjashtë herë, ndoshta një vit një ekip tjetër e meriton”, shtoi Guardiola.