Portieri i Manchester Cityt, Ederson, ishte afër një transferimi në Arabinë Saudite gjatë verës, por një marrëveshje nuk u realizua kurrë. Menaxheri Pep Guardiola ishte i kënaqur me këtë zhvillim.

“Ne nuk donim që Ederson të largohej në verë. Nuk erdhi një ofertë e vërtetë… mirë, ata bënë një ofertë, por portieri i ekipit që fitoi katër tituj radhazi në Premier League ka një çmim. Përndryshe, ai nuk mund të largohet dhe kjo është në thelb ajo që ndodhi”, tha Guardiola, transmeton GazetaBlic Sport.

“Sigurisht që isha i shqetësuar për largimin e Edersonit! Ai është një figurë e rëndësishme në ekipin tonë… ne jemi me fat që e kemi. Shpresoj që ai të jetë i lumtur. Ju gjithmonë përgatiteni, nuk e dini kurrë se çfarë do të ndodhë, nëse lojtarët duan të largohen apo jo”, shtoi ai.

/GazetaBlic Sport.