Manchester City shkon në ndeshjen e së martës në Premier League kundër Brentfordit katër pikë larg liderit Liverpool, por trajneri Pep Guardiola thotë se skuadra e tij nuk është nën presion të shtuar edhe pse gara për titull hyn në një fazë vendimtare.

City, i pamposhtur në nëntë ndeshjet e fundit të ligës, është i treti në tabelë me 53 pikë, katër pas liderit Liverpool dhe dy pas Arsenalit, por me një ndeshje më pak.

“Nuk ka presion të shtuar. Tensioni është i njëjtë në çdo ndeshje. Nëse ne kishte fituar me 3:0 ndaj Chelsea, motivi do të ishte i njëjtë për të fituar ndeshjen e radhës. Njerëzit na kritikojnë… Ne duhet të jetojmë me të. Ne e dimë se sa e vështirë është”, tha Guardiola.

“E kam pasur këtë përvojë në klubet e mia të mëparshme, veçanërisht në Barcelonë. Është një nder për mua. Ne e dimë se çfarë është dhe ne duhet të vazhdojmë të bëjmë atë që po bëjmë,” shtoi ai.

Guardiola është i kënaqur me paraqitjen e skuadrës së tij këtë sezon.

“Që kur humbëm nga Aston Villa, ne i kemi fituar ndeshjet tona dhe kemi qenë më të mirë, por nuk mund të garantoj asgjë – por ne jemi ende në luftë”, shtoi Guardiola.

/GazetaBlic Sport