Gjykata Kushtetuese ka zgjedhur kryetaren e rë për tri vitet e ardhshme. Gresa Caka-Nimani do të ushtrojë këtë detyrë deri në vitin 2024, shkruan Gazeta Metro.

Kjo është bërë e ditur nga Gjykata Kushtetuese me anë të një komunikate për media.

“Në seancën administrative të mbajtur të hënën, më 17 maj 2021, gjyqtarët e Gjykatës Kushtetuese të Republikës së Kosovës, në përputhje me nenin 114, pika 5, të Kushtetutës së Republikës së Kosovës, kanë zgjedhur Kryetar të ri të Gjykatës Kushtetuese, gjyqtaren Gresa Caka-Nimani. Gjyqtarja Caka-Nimani do të fillojë të ushtrojë detyrën e Kryetarit të Gjykatës Kushtetuese të Kosovës, më 26 qershor 2021, pasi që të përfundojë mandati i kryetares aktuale të Gjykatës, znj. Arta Rama-Hajrizi. Mandati i Kryetarit të Gjykatës Kushtetuese të Republikës së Kosovës është tri vjet.” thuhet në këtë njoftim.