Ish-emisari presidencial i SHBA-së për dialogun Kosovë-Serbi, Richard Grenell, ka shkruar lidhur me reagimin e Ambasadës së SHBA-së në Prishtinë për veprimet e fundit të institucioneve të Kosovës që rezultuan me mbylljen e pikave të postës së Serbisë në Veri të vendit.
Grenell ka thënë se reagimi i SHBA-së është një tjetër letër me qëndrim të fortë, megjithatë Grenell thotë se SHBA-ja mund të bëjë edhe me ashpër se kaq.
Ish-emisari dhe bashkëpunëtori i afërt ka thënë se “formulimet e fuqishme s’funksionojnë” dhe se të gjithë e dinë që kryeministri i Kosovës, Albin Kurti “është problemi”.
Grenell ka thënë se Kurti s’ndalet me deklarata nga distanca dhe ka sugjeruar SHBA-në që t’i përdorin mjetët që i kanë në dispozicion e të cilat prodhojnë pasoja, para se të ndodh ndonjë eskalim i situatës.
“Albin Kurti është problemi dhe të gjithë e dinë. Shumë zyrtarë të administratës Biden-Harris dhe zyrtarë evropianë janë thjesht shumë të dobët – Kurti nuk frenohet nga distanca nga deklaratat (madje nuk ia thuani as emrin). Ju keni mjete që prodhojnë pasoja – përdorni ato tani përpara se të ketë një përshkallëzim”, ka shkruar Grenell.
Jeff, my friend and former colleague, this is another strongly worded letter.
You are tougher than this.
Your strongly worded letters aren’t working.
I realize the current White House ignores the Balkans and Kamala Harris doesn’t know where the Balkans are…but this is… https://t.co/rKLup7CUAa
— Richard Grenell (@RichardGrenell) August 5, 2024
