Adem Grabovci përmes një shkrimi në rrjetin social Facebook ka njoftuar se dega e PDK-së në Pejë unanimisht ka aprovuar propozimin që i njëjti të jetë kandidat potencial për deputet në zgjedhjet e ardhshme.

Ai ka vlerësuar përkrahjen dhe mbështetjen e strukturave dhe anëtarësisë së PDK-së në gjithë vendin e veçanarisht në Pejë.

“Koordinimi dhe bashkëpunimi gjithëpërfshirës, do jenë bazë e çdo veprimi, i cili do jetë në interes të përgjithshëm. Faleminderit PDK në Pejë!Është koha që Dielli të lind përsëri” shkruan Grabovci raporton “Gazeta Blic”.

Postimi i plotë:

Faleminderit degës së PDK-së në Pejë, që unanimisht aprovoj propozimin që unë të jem kandidat potencial për deputet në zgjedhjet e ardhshme parlamentare të 9 Shkurtit.

Vlerësoj lartë përkrahjen dhe mbështetjen e strukturave dhe anëtarësisë së PDK-së në gjithë vendin, veçanërisht në Pejë.

Tutje, koordinimi dhe bashkëpunimi gjithëpërfshirës, do jenë bazë e çdo veprimi, i cili do jetë në interes të përgjithshëm. Faleminderit PDK në Pejë!

Është koha që Dielli të lind përsëri!