Një grabitje e armatosur e autoblindit me shuma monetare ka ndodhur në mes të autostradës në Itali në zonën e Sassari.

Të paktën 5 persona të armatosur bllokuan rrugën duke sulmuar autoblindin me para dhe dogjën disa automjete të tjera për të përmbushur skenarin e tyre.

Mes grabitësve dhe rojeve pati shkëmbim zjarri. Njëri nga rojet e autoblindit mbeti i plagosur në këmbë.

Dy të tjerë u plagosën për shkak të zjarrit, ndërsa katër persona të tjerë mbetën të lënduar nga përplasja me automjet në pjesën e pasme.

I plagosur ka mbetur edhe një nga autorët e grabitjes.

Grabitësit u larguan me një kamionçinë dhe një Fiat Panda, që disa minuta më vonë u gjetën të braktisura jo shumë larg vendit të ngjarjes.

Ndërsa policia italiane është në ndjekje të autorëve që grabitën autoblindin me para.

/tvklan/