Sulmuesi i Romës, Artem Dovbyk, ka pësuar një dëmtim që do ta mbajë jashtë fushave për katër deri në gjashtë javë, raportojnë mediat italiane.

Qendërsulmuesi i Giallorossëve pësoi një dëmtim gjatë fitores 2-0 ndaj Udineses të dielën dhe pritet të mungojë për më shumë se një muaj.

Sipas Sky Sport Italia, lojtari ukrainas iu nënshtrua testeve mjekësore të hënën në mëngjes. Rezultatet ishin kryesisht negative, me testet që zbuluan dëmtim të tendinit në këmbën e tij të majtë.

Problemet e Gasperinit nuk ndalen këtu, pasi infermieria e ekipit është plot. Përveç Dovbykut, edhe lojtarë të tjerë kyç sulmues janë të lënduar. Evan Ferguson po trajtohet me një dëmtim në kyçin e këmbës, ndërsa Paulo Dybala dhe Leon Bailey po shërohen nga problemet muskulore.

Giallorossët tani kanë 24 pikë, njësoj si liderët Inter, gjë që e bën betejën për titullin edhe më të ashpër.

/GazetaBlic Sport