I akuzuar për sulm seksual ndaj një gruaje të re, Dani Alves ka ndryshuar sërish versionin e tij të ngjarjeve.

Kjo është hera e pestë që nga momenti kur futbollisti është arrestuar që ai ndryshon fjalët, raportojnë mediat ndërkombëtare, përcjell GazetaBlic Sport.

Siç shpjegon ekskluzivisht gazeta ARA, vetëm pak ditë para gjyqit në të cilin ish-lojtari i Barcelonës do të gjykohet për sulm seksual të dyshuar, braziliani do të kishte siguruar se natën e ngjarjeve ishte “dobësuar rëndë” për shkak të konsumimit të alkoolit dhe se ndikoi në aftësitë e tij.

Përveç kësaj, media siguron se Joanna Sans do të jetë një nga dëshmitarët në gjyq me kërkesë të mbrojtjes së futbollistit. Modelja pritet të shpjegojë se natën e 30 dhjetorit 2022, Dani Alves erdhi në shtëpi i dehur në agim, pas përdhunimit të dyshuar.

Dhjetorin e kaluar, Gjykata në Barcelonë shpalli datën në të cilën do të zhvillohet gjyqi ndaj Alves. Futbollisti do të dëshmojë para gjyqtarit mes datave 5, 6 dhe 7 shkurt 2024. Gjyqi do të fillojë të hënën, më 5 shkurt, në orën 10:00 në një gjykatë në Barcelonë.