Gjykata angleze ka liruar nga burgu shqiptarin që u kap në ‘shtëpinë e barit’.Ai ishte detyruar nga trafikantët të ruante shtëpinë ndryshe rrezikonte jetën e familjarëve.
Prenga tha në Gjykatë se e dinte se ajo që po bënte ishte e gabuar, por nuk kishte zgjidhje tjetër. Sipas mediave angleze, i riu shqiptar nuk kishte asnjë dënim të mëparshëm.
Policia angleze e kishte arrestuar 31-vjeçarin shqiptar pasi ai u kap duke u kujdesur për bimët e kanabisit në një shtëpi e cila ishte përshtatur për kultivimin e tij. Gjatë kontrollit policia gjeti atje një total prej 427 bimësh kanabis në faza të ndryshme të rritjes dhe që arrinin një vlerë 119 000- 358 000 £.
Gjithashtu iu gjet një pasaportë me emrin e tij, një laptop si dhe një celular në të cilin kishte dhe një foto të tijën me bimët e kanabisit. Ndaj Prengës është vendosur se duhet të kryejë edhe 250 orë punë pa pagesë.
