Nga Uruguai, një vit pas incidentit, vjen lajmi për një akt të madh bujarie nga ish-sulmuesi i Napolit dhe Paris Saint-Germain, Edinson Cavani.

Futbollisti luajti një rol vendimtar në shpëtimin e jetës së vajzës së gazetarit uruguaian Rafa Cotelo, e cila vuan nga një sëmundje kronike neurologjike.

Një vit më parë, adoleshentja, Ema, u detyrua t’i nënshtrohej një ndërhyrjeje kirurgjikale urgjente për të shpëtuar jetën, por klinika ku ishte planifikuar operacioni kërkoi pagesë të menjëhershme nga gazetari, i cili nuk ishte në gjendje të mblidhte një shumë të tillë në një kohë kaq të shkurtër. Prandaj, Cotelo kontaktoi Cavanin, me të cilin ka një miqësi të thellë dhe të gjatë, duke kërkuar ndihmë. Sulmuesi i Boca Juniors nuk mendoi dy herë dhe gjeti një zgjidhje për t’i lejuar vajzës t’i nënshtrohej operacionit dhe për t’i shpëtuar jetën.

Vetë gazetari e zbuloi këtë pas një viti heshtjeje, duke shpjeguar në një intervistë me gazetën uruguaiane El Observador se si Cavani dërgoi një mik në klinikë me paratë e nevojshme.

Paratë iu kthyen më vonë Cavanit, pavarësisht se sulmuesi nuk kishte kërkuar asgjë në këmbim ose nuk kishte dashur rimbursim.

/GazetaBlic Sport