Sot zhvillohen ndeshjet kthyese në Europa League.

Napoli dhe Barcelona do të përballen sot në ndeshjen e dytë në këtë kompeticion, shkruan GazetaBlic Sport.

Takimi i parë përfundoi 1-1 në “Camp Nou” javën e kaluar, kur Piotr Zielinski shënoi golin e hapjes përpara një penalltie të Ferran Torres në pjesën e dytë që barazoi ndeshjen.

Heqja e rregullit të golave jashtë do të thotë që Napoli duhet të sigurojë një fitore në stadiumin “Diego Armando Maradona” nesër nëse dëshiron të kalojë në fazën tjetër të kompeticionit.

Natyrisht, fitoren do ta kërkojë edhe skuadra e Barcelonës, e cila në këtë takim vjen pas fitores së thellë ndaj Valencias.

Xavi dëshiron që skuadra e tij të dominojë dhe të imponojë lojën e saj në ndeshjen e sotme në play-off të Ligës së Evropës kundër Napolit, por se si do të rrjedhin gjërat do të mbetet të shihet.

Kapiteni i Kosovës, Amir Rrahmani pritet të jetë titullar edhe në takimin që zhvillohet sot.

Ky takim zhvillohet në ora 21:00.

/GazetaBlic Sport/