Anton Gerashchenko, këshilltar i Ministrit të Punëve të Brendshme i Ukrainës, në rrjetin social Twitter ka njoftuar se rreth 16 mijë njerëz mund të goditen nga përmbytjet pas shkatërrimit të digës Nova Kahovka në rajonin e Khersonit në jug të Ukrainës.
Ky rajon që është nën kontrollin e forcave ruse, sipas Gerashchenko që publikoi një video e pasojave të shpërthimit të digës, tregojnë rajonet e mbuluara nga uji, transmeton Telegrafi.
“Rreth 16 mijë njerëz janë ‘në zonën kritike’ në rajonin e Khersonit në anën e djathtë të lumit Dnipro”, tha kreu i administratës ushtarake në Kherson.
“Trenat për evakuim do t’i dërgojë banorët e Khersonit në rajone më të sigurta”, ka shkruar Gerashchenko në Twitter.
Në anën tjetër, presidenti ukrainas Volodymyr Zelensky e ka cilësuar si akt terrorist shpërthimin e digës nga forcat ruse, duke thirrur takim të jashtëzakonshëm të kabinetit të tij.
About 16,000 people are in "critical zone" in Kherson region on the right bank of the Dnieper river – head of Kherson regional military administration.
Evacuation trains will take people to safety from Kherson. pic.twitter.com/rmltVcc9yI
— Anton Gerashchenko (@Gerashchenko_en) June 6, 2023
Ekspertët ushtarakë vlerësojnë se ky veprim i rusëve është bërë që forcat e Kremlinit të “blejnë kohë”, megjithatë sipas tyre pritet të ketë tani luftime të ashpra.