Georgina Rodriguez, e dashura e sulmuesit të Al-Nassr, Cristiano Ronaldo, foli për famën e saj pasi filloi lidhjen me futbollistin.

“Më duhej shumë kohë që të filloja të ndihesha si një personazh i famshëm. Nuk ndodhi brenda natës.

“Edhe tani, jam ende e befasuar kur e shoh veten në ekrane anembanë botës dhe nuk mendoj se do të mësohem ndonjëherë me të sepse isha e panjohur më parë.”

Cilat janë aspektet pozitive dhe negative të famës?

“Përfitoj shumë prej saj sepse më jep akses në punë që nuk mund ta merrja kur isha e panjohur.

“Përveç kësaj, falë interesit për mua, unë mund të ndihmoj ata që kanë nevojë ose të rris ndërgjegjësimin për çështje të caktuara sociale.

“Problemi është se gjërat e thjeshta që bëja çdo ditë para se të takoja Cristianon – të tilla si të shkoja në palestër, të shëtisja në qendër të Madridit ose të pija një kafe në një tarracë pa u shqetësuar se do të më shikonin – tani janë të pamundura”, tha Georgina Rodriguez.

/GazetaBlic Sport