Agon Islami, gazetar nga Presheva, ka folur për problemet që janë duke i hasur shqiptarët e Luginës nga mbrëmë pasi Asambleja Parlamentare e Këshillit të Evropës ka votuar pro Kosovës për të kaluar në një hap tjetër për anëtarësim.

Në Info Magazine ai ka deklaruar se policia serbe në pikat kufitare me Kosovën i ka ndaluar edhe i ka marrë në pyetje edhe qytetarët serbë që janë pjesë e Forcës së Sigurisë së Kosovës.

“Si rezultat i vendimit të mbrëmshëm që nga sot ka filluar ndalimi i qytetarëve shqiptarë në dalje me Serbi, respektivisht në hyrje me Kosovën, ku janë ndaluar dhjetëra qytetarë shqiptar dhe disa prej tyre janë intervistuar. Pra, bëhet fjalë për shqiptarët e Luginës së Preshevës që kanë bërë një hyrje nga shtetet fqinje apo së fundi e kanë frekuentuar edhe Evropën”.

“Disa nga të ndaluarit janë edhe qytetarë të komunitetit serbë që sipas burimeve jo zyrtare kanë qenë pjesë e Forcës së Sigurisë së Kosovës, ata janë mbajtur deri në ora 16:00 të gjithë pa ndonjë arsye janë liruar me një vendim të përgjithshëm”, ka thënë Islami.