Besa Gaxherri, LDK, ka komentuar deklaratën e djeshme të kryeministrit në detyrë, Albin Kurti, ku ky i fundit nuk i përjashtoi zgjedhjet e reja për shkak të çështjes së presidentit.
Gaxherri për GazetaBlic ka kritikuar Albin Kurtin duke thënë se ai lidh çdo proces politik me interesin elektoral.
Tutje, ajo theksoi se LDK-ja ende nuk ka marrë një qëndrim për çështjen e zgjedhjes së presidentit, por sipas saj, partia që ka fituar zgjedhjet duhet të nisë negociatat me partitë tjera për këtë proces.
“Kurti çdo gjë dhe çdo proces e lidh me aspektin elektoral. Nuk mund të flasim ende rreth çeshtjes së zgjedhjes së presidentit pasi qe ne si subjekt politik nuk kemi marrë ende qëndrim rreth këtij procesi, por unë mendoj, partia e cila ka fituar zgjedhjet duhet të negociojë me partitë politike për çeshtjen e presidentit nese i intereson Kosova dhe populli qe mos të shkaktoj prap zgjedhje në mars të këti viti”, tha Gaxherri për GazetaBlic.
