Trajneri i Romës, Gasperini, konfirmoi se Paulo Dybala pësoi një dëmtim në humbjen 0-1 ndaj Milanit.

Argjentinasi mund t’i kishte sjellë pikë ekipit të tij në minutën e 82-të, por humbi një penallti pasi Mike Mengian kapi gjuajtjen e tij.

Ishte në këtë situatë që Dybala duket se pësoi një dëmtim në kofshë. Një incident i ngjashëm ndodhi me Kevin De Bruyne në ndeshjen Napoli-Inter.

“Gjëja më e keqe nga të gjitha është se Dybala u lëndua gjatë gjuajtjes së penalltisë. Tani duhet të shohim se sa gjatë do të jetë jashtë, sigurisht deri në fund të pushimit ndërkombëtar. Kjo është humbja më e madhe e mbrëmjes”, tha Gasperini.

“Krijuam shumë raste, kjo është qasja që dua të shoh. Kur largohesh nga një ndeshje si kjo duarbosh, ka shumë keqardhje, por edhe besim se jemi në rrugën e duhur. Mendoj se sot bëmë një hap përpara në cilësinë tonë në çdo gjë përveç përfundimit. Është e vështirë për mua të gjej gjëra negative në performancën tonë. Sigurisht që jemi të zemëruar dhe na vjen keq për humbjen. Kjo skuadër ka shpirt, ata mund të luajnë futboll të mirë, por sigurisht që kemi paguar një çmim në muajt e fundit që nuk kemi mundur të shfrytëzojmë katër nga pesë penalltitë, që është shumë”, shtoi trajneri i Romës.

/GazetaBlic Sport