Deputeti i Kantonit të Bernit, Korab Rashiti, ka reaguar ndaj anëtarit të VV-së në KQZ, Sami Kurteshi, i cili sot ka fyer mediat, duke i cilësuar si vrasëse.

Rashiti e ka ftuar Kurteshit që të largohet nga KQZ-ja dhe të dal në pension.

Në profilin e tij në “Facebook”, Rashiti ka shkruar se Kurteshi i përket një gjenerate që meriton të marrë pak kohë për vete

“E ftoj të largohet nga KQZ-ja dhe të marrë një pension të merituar. Pse jo, të merret me poezi apo të studiojë këngët e zogjve? Sidoqoftë, ai i përket një gjenerate që me të vërtetë e meriton të marrë pak kohë për vete”, ka shkruar Rashiti.