Maciej Rybus, një mbrojtës i majtë 32-vjeçar, është përjashtuar nga kombëtarja polake për shkak se ka vazhduar të luajë në Rusi, pavarësisht luftës së vazhdueshme në Ukrainë, njoftoi Federata Polake e Futbollit të hënën.

“Trajneri Czeslaw Michniewicz e informoi lojtarin se për shkak të situatës aktuale në klubin e tij, ai nuk do të thirret në fazën e ekipit kombëtar në shtator dhe nuk do të jetë pjesë e thirrjes për Kupën e Botës”, zbuloi Federata Polake e Futbollit, përcjell GazetaBlic Sport.

Rybus luan në ligën ruse që nga sezoni 2017/18 dhe këtë verë ai kaloi, me kosto zero, nga Lokomotiv te Spartak.

Për shkak të luftës në Ukrainë, disa lojtarë u larguan nga kampionati rus, por ai zgjodhi të qëndrojë te skuadra e tij.