Gjatë ditës së sotme, partitë politike të Kosovës do kenë një ditë të ngjeshur.

Kandidati i PDK-së për kryeministër, Bedri Hamza do të takohet me banorët e Zhurit dhe të Dragashit.

Nga ana tjetër, kandidati për kryeministër nga radhët e LDK-së, Lumir Abdixhiku do të mbajë takim elektoral në Dragash, teksa do të takohet edhe me qytetarët e Bllacës, dhe banorët e lagjes “Arbëria”.

Kandidati për kryeministër nga VV, Albin Kurti, do të mbajë tubim në Obiliq.

Koalicioni për Familjen në kuadër të fushatës elektorale do të organizojë performancën artistike “Koalicioni për Familje pjek kafe për mysafirë”, në Sheshin “Skënderbeu”, Prishtinë.