José Mourinho zbulon se e refuzoi punën si trajner i Milanit tre vjet më parë.
Specialisti nënshkroi një marrëveshje trevjeçare me Romën në prill, duke u kthyer në Itali dhjetë vjet pas periudhës së tij në Inter, përcjell GazetaBlic Sport.
Futbollistët e tij pësuan një humbje 3-1 kundër kuqezinjve sonte dhe Mourinho zbuloi se e kishte refuzuar punën e kuqezinjve në të kaluarën.
“Më ofruan punën tre vjet më parë. E kam menduar për tre ditë, por jam shumë i lumtur që kam marrë atë vendim”, tha trajneri portugez në një konferencë për shtyp pas ndeshjes, përcjell GazetaBlic Sport.
“Unë jam profesionist, por ka ende hapësirë për emocione. Unë jam i apasionuar pas Romës dhe do të jap gjithçka për këtë klub”.
Tifozët e Milanit kanë sharë Mourinhon në fillim të ndeshjes, ndaj trajneri nuk është penduar për zgjedhjen e tij.
“Duke parë atë që ndodhi sot, jam dy herë më i lumtur për vendimin tim,” shtoi ai.
Mourinho kaloi dy sezone në Inter, duke fituar pesë trofe, duke përfshirë një tripletë legjendare në vitin 2009-10.
/GazetaBlic Sport/
