Frederic Veseli nuk do të jetë më pjesë e Egnatias. Qendërmbrojtësi ka vendosur të mbyllë aventurën e tij 6 mujore në Superligën shqiptare, për të nisur një tjetër në Serie B.

Veseli është prezantuar ditën e sotme tek klubi i Sudtirol. Skuadra italiane ka ‘rrëmbyer’ mbrojtësin e Kombëtares shqiptare nga kampionët e Egnatias pas vetëm 6 muajsh. Kujtojmë që tek Sudtirol, Veseli do të gjejë një tjetër shqiptar, sulmuesin Silvio Merkaj.

Kujtojmë që ky është një rikthim në Itali për mbrojtësin shqiptar. Më parë Veseli ka veshur fanellën e Empolit, Salernitanës dhe skuadrës së Beneventos. Tashmë është gati për misionin, Sudtirol.