Presidenti brazilian Luiz Inácio Lula da Silva u takua me homologun e tij francez, Emmanuel Macron, në samitin e G7 që po zhvillohet aktualisht në Pulia.

Të dy liderët rifilluan diskutimet për bashkëpunimin e vendeve në luftën kundër minierave të paligjshme në Brazil dhe Guajanën Franceze, si pjesë e marrëveshjes së nënshkruar në mars për të luftuar kërcënimet e sigurisë dhe mjedisit dhe rreziqet shëndetësore që prekin rajonin ndërkufitar.

Palët rikonfirmuan angazhimin e tyre për të bashkëpunuar në mënyrë dypalëshe dhe rajonale në Mburojën e Guajanës – në luftën kundër krimit ndërkufitar, në veçanti minierat ilegale, trafikut të lëndës drusore dhe specieve të egra të faunës dhe florës në rrezik zhdukjeje.

Për këtë qëllim ata ranë dakord të bashkëpunojnë në fushat e policisë dhe shërbimeve sekrete dhe çështje të tjera me interes të përbashkët.

Lula dhe Macron diskutuan më pas bashkëpunime të tjera, duke përfshirë një vit kulturor të Brazilit në Francë dhe Francës në Brazil.