Sonte rikthehen përsëri emocionet e Ligës së Kampionëve.

Një super ndeshje do të zhvillohet në Itali, atje ku Inter dhe Atletico Madrid do të duelojnë për fitoren e madhe, shkruan GazetaBlic Sport.

Pritet të jetë një spektakël i madh në ‘Giuseppe Meazza’, me Interin që ka epitetin e favoritit, por që Atletico Madrid ka dëshmuar tradicionalisht forcën në këtë kompeticion.

Ish futbollisti i skuadrës së Interit, Francesco Colonnese e ka komentuar këtë sfidë në një prononcim ekskluzivisht për ‘GazetaBlic Sport’,duke thënë se pritet të jetë një ndeshje shumë e ekuilibruar.

Colonnese është në mesin e futbollistëve më të njohur që ka luajtur tek skuadra e Interit, duke fituar Kupën e UEFA-s në vitin 1998, madje ishte në një skuadër me Diego Simeone, argjentinasin që drejton skuadrën e Atletico Madrid.

Italiani tha poashtu se e sheh skuadrën e Interit si skuadër favorite për të triumfuar plotësisht në këtë edicion të Ligës së Kampionëve.

“Nuk ka favorit në këtë takim. Do të jetë një ndeshje shumë e ekuilibruar, Interi ka shumë besim në këtë moment. Unë shoh 55 për qind avantazh tek Interi, kurse pjesa prej 45% i takon Atletico Madrid. Mendoj se Interi është një skuadër favorite për ta fituar trofeun e Ligës së Kampionëve“, deklaroi Colonnese.

/GazetaBlic Sport/