Dy filmat shqiptarë “Si në Vaj” dhe “And The Wind Weeps” do të kenë premierën botërore në Shtator të këtij viti.

Filmi “And The Wind Weeps” do të prezantohet në Festivalin Ndërkombëtar të Filmit në San Sebastian (një festival vjetor i filmit i kategorisë A i mbajtur në qytetin spanjoll të Donostia-San Sebastián, Basque Country).

Përderisa filmi “Si në Vaj” do të prezantohet në Festivalin e Filmit Gässli -Basel, në të cilin festival e nominuar për kategorinë “SRG për regjinë më të mirë” është nominuar edhe regjisorja Aulona Selmani.

Përmes një postimi në facebook, regjisorja Selmani ka thënë se po ndihet e lumtur që puna e saj dhe e ekipit është vlerësuar.

“Jam shumë e lumtur që puna jonë po vlerësohet në këtë mënyrë. Pa ekipin, aktoret dhe aktorët e mrekullueshëm qëkontribuan në këta filma, asgjë nuk do të ishte e mundur!

Ju falenderoj shumë”, thuhet në postimin e Selmanit.

Aktorët të cilët perfomuan në filma, ndër të tjerë janë:

Bislim Muçaj
Kumrije Hoxha
Ilire Vinca
Armend Smajli
Afrim Muçaj
Ermal Sadiku
Margarita Lajçi

Filmi “And The Wind Weeps”

Dauti, një i mbijetuar i një masakre në luftën e Kosovës, ku i‘u vra i biri, ka 20 vjet që përsërit dhe shkruan një letër se çfarë do të tregojë nëse Haga e thërret ndonjëherë për të dëshmuar për tmerret që ka parë atë ditë.

Barra e kujtimeve rëndohet kur merr lajmin se vëllai i tij vdiq nga një sëmundje, duke e bërë Dautin të mbijetuarin e fundit që kujton ngjarjen.

Mendja e tij fillon të dështojë në detaje të rëndësishme të dëshmisë.

Ai mund të mos sjellë kurrë drejtësi për djalin e tij. Për vëllain e tij. Për miqtë e tij. A do t‘a falin të vdekurit që u dorëzua dhe i dorezoi ata në harresë?

Filmi “Si Në Vaj”

Dikur një e ve e re, Nadie është nën vëzhgimin e vazhdueshëm nga kunatat e saj. Por më pas shfaqet një autoportret nga e kaluara e saj dhe vë në pikëpyetje mënyrën e saj të jetesës./KultPlus.com