Juventusi është i përgatitur të nënshkruajë me Pierre-Emerick Aubameyang nga Arsenali vetëm nëse ai është i disponueshëm në huazim, sipas raportimeve në Itali.

Bardhezinjtë po kërkojnë një sulmues për të përforcuar skuadrën gjatë afatit kalimtar të janarit, por mbeten me mungesë fondesh, përcjell GazetaBlic Sport.

Aubameyang është përmendur si një objektiv i mundshëm, veçanërisht sepse Arsenali e ka nxjerrë në treg dhe i ka hequr kapitenin për çështje disiplinore.

Ai gjithashtu po stërvitet veçmas nga pjesa tjetër e skuadrës dhe kontrata e tij do të skadojë në qershor 2023.

32-vjeçari e kaloi rininë e tij në Itali si pjesë e akademisë së Milanit përpara se të shitej te Saint-Etienne në janar 2012.

Megjithatë, Calciomercato.com këmbëngul se Juventusi është i përgatitur të bëjë një ofertë për Aubameyang vetëm nëse ai është i disponueshëm në huazim.

/GazetaBlic Sport/.