Federata e Futbollit të Kosovës asesi të largohet nga gabimet e mëdha në rrjetet sociale.

Që nga publikimi i rezultateve e deri tek publikimet e tjera, postimet e FFK-së, vazhdimisht shoqërohen me gabime të ndryshme.

Në ndeshjen e zhvilluar mes Ferizajt dhe Llapit, të xhiros së 15-të, FFK e publikoi rezultatin final me shifrat 1 me 0, pavarësisht që atje epilogu përfundimtar ishte 1 me 1, shkruan GazetaBlic Sport.

Huqja e madhe e FFK-së, publikoi rezultat të rrejshëm përfundimtar tek sfida Llapi – Ferizaj

Gjatë ditës së sotme, në publikimin e formacioneve zyrtare, FFK e bëri Zekirija Ramdanin trajner të skuadrës së Llapit, duke e ngatërruar emrin e tij me atë Tahir Batatinës.

Postimet e tilla e humbin kredibilitetin dhe besueshmërinë tek institucioni më i madh i futbollit në vend, për më tepër, janë huqje që po vazhdojnë nga java në javë.

/GazetaBlic Sport/