Sporti

Festoi titullin me Ajaxin mbrëmë, Erik ten Hag takohet sot me drejtuesit e Manchester United

05/12/2022 17:09
nga:Mergim Rreci

Edhe pse Ajax festoi fitimin e titullit të enjten, trajneri i ardhshëm i Manchester United nuk humbi kohë dhe këtë të premte do të takohet me përfaqësuesit e djajve të kuq në Amsterdam për të diskutuar planet për tregun e transferimeve.

Sipas ESPN, Erik Ten Hag do të ketë përcaktuar tashmë pozicionet dhe objektivat që synon të sigurojë për sezonin e ardhshëm dhe trajneri do të ketë fjalën e fundit se kush hyn dhe kush largohet, përcjell GazetaBlic Sport.

Trajneri do të bëjë një rimodelim të thellë të skuadrës dhe të paktën Paul Pogba, Edinson Cavani, Juan Mata, Jesse Lingard, Nemanja Matic dhe Lee Grant do të largohen, të cilët janë në fund të kontratave të tyre.

E ardhmja e Anthony Martial, Donny van de Beek, Phil Jones, Eric Bailly, Aaron Wan-Bissaka dhe Dean Henderson është e hapur.