Fëmija i fundit që Papa Françesku ka takuar në Vatikan është një foshnjë shqiptare e quajtur Hera Çoba, vajza e dy prindërve shqiptarë emigrantë që jetonin në Gjemani.

Lajmi u dha në FaceBook nga Dom Gjergj Meta, i cili ka publikuar edhe videon që i është dhënë nga prindërit e Herës.

Pamjet emocionuese kanë bërë xhiron e rrjetit ku Ati i Shenjtë shihet teksa prek vajzën e vogël në ballë që iu çua pranë makinës së tij nga rojet e sigurisë në Vatikan.

E diela e pashkëve shënoi edhe daljen e fundit publike të Papa Françeskut në Sheshin Shën Pjetri të Vatikanit.

Ati i Shenjtë përshëndeti besimtarët nga ballkoni përpara fjalimit të tij te Pashkës që u mbajt nga një Kardinal, ndërsa më pas me automjetin e tij përshëndeti besimtarët që ndodheshin në Vatikan.

Ati i Shenjtë ndërroi jetë një ditë më pas, të hënën në orën 7:35 të mëngjesit si pasojë e një goditjeje në tru dhe dështimit të zemrës. /abcnews.al