Zëvendës-Marshalli në pension, Sean Bell, analizoi për Sky News se cilat mund të jenë lëvizjet e ardhshme të Rusisë në Ukrainë.

Ai shpjegoi se imazhet satelitore “shumë qartë” tregojnë se forcat ruse “po lëvizin në jug drejt Kharkovit” dhe se “aeroporti në Dnieper ishte në shënjestër”.

Ai shtoi se aeroporti ishte “pothuajse me siguri” i sulmuar sepse është rruga e furnizimit të Ukrainës.

Disa liderë ukrainas presin që faza tjetër e luftimeve të jetë veçanërisht brutale dhe mizore, ndërsa forcat ruse po lëvizin drejt rajonit të Donbasit, tha ai.

“Zelensky tha se ai donte armë, armë, armë, por ajo që është shumë e qartë është se forcat ukrainase sulmohen nga ajri dhe nga toka çdo ditë. Kështu që ai ka nevojë për armë që mund të largojnë avionët nga qielli, “shtoi Bell.

Megjithatë, ai paralajmëroi se nuk ka “furnizim të pafund” me armë dhe shpërndarja po bëhet “gjithnjë e më e vështirë”.