Faton Peci, Ministër i Bujqësisë, ka njoftuar hapjen e aplikimit për Programin për Pagesa Direkte – Subvencione 2025, raporton GazetaBlic.

Thirrja do të jetë e hapur nga 03.04.2025 deri më 02.05.2025, ora 16:00.

Peci theksoi se, duke përdorur ortofotot më të fundit të vitit 2024, janë bërë përmirësime të mëdha në digjitalizimin e parcelave dhe kontrollin në terren, që do të lehtësojnë aplikimin dhe do të sigurojnë saktësi. Për më shumë informacion, fermerët mund të konsultohen në faqet e MBPZhR-së dhe AZhB-së, si dhe në Drejtoritë Komunale për Bujqësi.