Manchester City do të luajë në mbrëmjen e së mërkurës në ndeshjen e dytë çerekfinale të Ligës së Kampionëve kundër Real Madridit.

Përballja magjepsëse e javës së kaluar mes dy skuadrave (3-3) ka krijuar potencialin për një tjetër ndeshje klasike në Etihad Stadium. Por fakti që ndeshja luhet në shtëpinë e kampionëve të Evropës mund të jetë një faktor vendimtar për të vendosur rezultatin e ndeshjes çerekfinale.

Pas fitores 5-1 ndaj Luton Town në Etihad të shtunën, Manchester City tani është i pamposhtur në 41 ndeshje në të gjitha garat në shtëpi. Seria e pamposhtur është një dëshmi e dominimit të Manchester Cityt në shtëpi. Stadiumi është kthyer në një kështjellë. Skuadra e Pep Guardiolas e ka bërë Etihadin një nga vendet më të frikshme për t’u vizituar nga skuadrat kundërshtare.

Real Madridi e di këtë më mirë se të tjerët. Për këtë tregon fitorja 4-0 e Cityt ndaj gjigantëve të La Ligës në sezonin e kaluar në Champions League.

/GazetaBlic Sport