Esteban Cambiasso, ish futbollist i Interit, ka folur në studion e Sky Sport për mungesën e Hakan Calhanoglu në mesfushën e Interit dhe për paraqitjet e zëvendësuesit të tij, Asllani:

“Për mua, Asllani po bën mirë, ka pasur një ndikim pozitiv.

Ne kishim Maicon në kohën tonë dhe kur ai nuk luante, aktivizohej Burdisso… Nuk është se mund të presësh një tjetër Maicon nga stoli, por Burdisso nuk bënte aspak keq.

Nëse ka një zëvendësues, është normale që ai tjetri konsiderohet i pazëvendësueshëm.

Por Asllani po bën një punë të mirë dhe, sipas meje, nuk ka kuptim të zhvendosësh Barellën si regjisor për t’i bërë vend Frattesit, sepse kështu humb dy pozicione.

Prandaj, më mirë të aktivizosh Asllanin.

Kur nuk është Bastoni, edhe pse kjo mungesë përmendet më pak, ekipi e vuan njësoj, sepse mungojnë ato vertikalizime që ai i garanton.”