Kandidati për kryeministër nga PDK, Bedri Hamza, ka prezantuar pesë shtyllat kryesore për një Kosovë më të mirë, raporton Gazeta Blic.

Ai përmes një video në Facebook, ka thënë se do të ketë më shumë zhvillim për bizneset, më shumë të ardhura, vende pune, paga më të larta, shërbime shëndetësore me të mira dhe arsim modern.

“Është koha të punojmë së bashku për ta bërë Kosovën më të mirë! Më shumë zhvillim për biznese, më pak tatime. Më shumë të ardhura për secilin. Më shumë vende pune, me paga më të mira. Shërbime shëndetësore më të mira për të gjithë. Arsim modern në të gjitha nivelet. Ma mirë në pesë shtylla”, ka shkruar ai në Facebook./Gazeta Blic/