Eroll Salihu ka folur në Kanal 10 në lidhje me dorëheqjen e Flamur Bunjakut nga Komiteti Ekzekutiv i Federatës së Futbollit të Kosovës:
Ish-sekretari i përgjithshëm i FFK-së ka thënë fjalë të mëdha për Bunjakun, duke deklaruar se ai hargjoi miliona euro për pranimin e Kosovës në UEFA e FIFA.
Salihu u pyet në Kanal 10 nëse dorëheqja e Flamur Bunjakut kishte të bënte me ngjarjet e fundit në FFK.
Ish-sekretari i përgjithshëm i FFK-së tha se Flamur Bunjaku është njëri nga kontribuesit më të mëdhenj në futbollin kosovar duke dhënë miliona euro për pranimin tonë në UEFA e FIFA.
“Për fat të keq po, kuptohet që kjo është arsyeja e vetme. Janë mërzit njerëzit nga kjo gjë. Flamur Bunjaku është njëri nga kontribuuesit më të mëdhenj në futbollin e Kosovës. Flamurin e kemi pasur dorë të djathtë Fadili (Vokrri) dhe Unë. Kjo foto është në kongresin e FIFA-s kur nuk na dhëshin vizat dhe Flamuri ishte i gatshëm të shkonte i vetëm, por më vonë Fadili pashi ishte rezident në Francë iu lejua”.
“E kemi pasur dorë të djathtë në UEFA e FIFA, e kemi pasur shtëpinë e tij si shtëpi të dytë. Ka harxhuar miliona euro për futbollin e Kosovës dhe kurrë nuk e ka qel gojën të flas”.
“15 vite ky njeri ka dhënë kontribut. Unë mendoj se është një humbje e madhe për futbollin gjilanas dhe të Kosovës”.
“Absolutisht ka qenë shumë i shqetësuar pasi ishte i mërzitur shumë pasi as anëtarët e KE nuk e thirrnin të konsultoheshin, derisa ky ka qenë nikoqir i gjithë atyre sa herë kanë shkuar në Zvicër”, deklaroi Salihu.
