Erling Haaland ka folur për atë që e “merzit” më shumë në futbollin modern, që janë goditjet anësore.

Sulmuesi 23-vjeçar, i cili ka shënuar 18 gola në 23 paraqitje në Premier League këtë sezon, u ul me podkastin zyrtar të Manchester City për të diskutuar një sërë temash. Ai foli për mënyrën se si mund të përmirësohet brenda dhe jashtë fushës, si dhe besimin e tij të palëkundur te trajneri Pep Guardiola.

Haaland beson se skuadrat përfitojnë shumë duke përdorur taktika të fshehta si “vjedhja” e shumë metrave.

Kur foli për gjërat që do të ndryshonte në futbollin modern, ai tha: “E para është futja e teknologjisë së vijës në të gjithë fushën, në mënyrë që të dini gjithmonë kur topi është jashtë lojës”.

“Ajo që më bezdis janë rivëniet anësore”, shtoi ai. “Nëse hidhni topin në këtë drejtim apo në atë anë, nuk ka rëndësi. Vetëm sigurohuni që të keni dy duar në top.

“Unë nuk i di as rregullat, dhe nëse do të bëj një gjuajtje, ndoshta do ta bëj gabim.Ne do të shohim se çfarë do të ndodhë në të ardhmen, por ju duhet një afat i caktuar kohor për të kryer rivënie dhe nuk mund të bëni shumë metra – thjesht ktheni topin në lojë”, përfundoi ai.

/GazetaBlic Sport