Unai Emery pranoi se ishte afruar për të marrë drejtimin e Newcastle, por të mërkurën përfundoi duke sqaruar se ai preferonte të qëndronte në Villarreal.

Megjithatë, sipas gazetës Daily Mirror, marrëveshja do të shkonte përpara, por trajneri spanjoll nuk ishte i kënaqur me një nga klauzolat e propozuara nga klubi – shkarkimin në rast të rënies së ekipit, përcjell GazetaBlic Sport.

Vlen të kujtojmë se Newcastle është i parafundit në fund në Premier League me katër pikë dhe zero fitore në 10 ndeshje. Mirror madje thotë se menaxhmenti ishte aq i sigurt për të garantuar Emery-n, saqë hoqënh dorë nga të gjithë trajnerët e tjerë që i kishin planifikuar.

I njëjti burim thotë se kanë mbetur pak teknikë që duan të marrin përsipër Newcastle në këtë pikë, pavarësisht mirazhit të shumë parave në dispozicion për t’u shpenzuar për nënshkrimet. Emri që qëndron ende është ai i anglezit Eddie Howe, i cili ishte trajner i Bournemouth.

/GazetaBlic Sport/