Elon Musk ka pohuar se kompania e tij Neuralink mund të kurojë verbërinë te majmunët.

Në platformën X, shefi i Tesla dhe SpaceX tha se kompania tjetër e tij Neuralink u kishte mundësuar majmunëve të verbër të shihnin me teknologjinë e saj të çipit të trurit. “Implanti Blindsight tashmë po funksionon te majmunët,” tha ai të enjten.

Miliarderi tha gjithashtu se ky produkt Neuralink do të quhej Blindsight, duke shtuar se rezolucioni do të ishte i ulët në fillim, si “grafika e hershme Nintendo”, por se mund të tejkalojë vizionin normal njerëzor në të ardhmen.