Elon Musk ka thënë të premten se plani i tij për të blerë kompaninë Twitter për 44 miliardë dollarë, është “përkohësisht në pritje”, teksa tenton të përcaktojë numrin e saktë të llogarive të rreme në rrjetet sociale.

Musk, i cili ka folur hapur për dëshirën e tij që të zgjidhë problemin e kompanisë Twitter me profilet mashtruese, duket se është interesuar nëse kompania i ka raportuar drejt ato.

“Marrëveshja për Twitter-in është përkohësisht në pritje për shkak të hollësive të lidhura me llogaritë e rreme dhe nëse ato vërtet përbëjnë pesë për qind të përdoruesve”, ka thënë Musk, duke dhënë shenja se dyshon nëse kjo shifër është kaq e ulët.

Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn

— Elon Musk (@elonmusk) May 13, 2022