Pas bisedave të publikuara brenda LDK-së, ku anëtarët e kryesisë flasin për një “skemë të organizuar kriminale” rreth votave të emigrantëve, Doarsa Kica Xhelili ka komentuar se LDK po sulmohet nga tre grupe, raporton GazetaBlic.

Ajo theksoi se grupi i parë përbëhet nga individë të lidhur me Nagip Krasniqin, që kanë shpërndarë skema korruptive. Grupi i dytë, sipas saj, është ai i PDK-së që ka tentuar të përdorë LDK-në si levë për interesat e tij.

Grupi i tretë është ai që refuzon reformën dhe ka për qëllim pengimin e ndryshimeve të domosdoshme brenda partisë.

Xhelili kërkoi që të gjithë ata që kanë prova për veprime të paligjshme të drejtohen në prokurori, duke theksuar se LDK do të qëndrojë e pavarur dhe e vendosur ndaj çdo përpjekje për të manipuluar proceset brenda saj.